يا جماعة، المرّة هاذي Infinix ما عادش تفدلك! جابت تليفون مواصفاتو تنطق وحدها. الـ Note 60 Pro موش مجرّد تليفون متوسّط يملى في البلاصة، هذا ماكينة متاع أداء، شحن و بطّارية غولة باش تنسّيك في حاجة اسمها شارجور. 🚀
واللّي يدوّخ في الحكاية هاذي الكل، هو السعر! الـ Infinix Note 60 Pro متوفّر في تونس بسعر 1569 دينار 💵، وهنا يطرح السؤال: هل فمة شكون ينجم ينافسو في الفئة هاذي؟
1. شاشة خياليّة 144Hz و AMOLED 📺✨
😎 أول حاجة تخطفلك عينك هي الشاشة. نحكيوا على 6.78 بوصة AMOLED وبتردد 144Hz مع كثافة بكسيلات بمعدّل 429 PPI و سطوع يبلغ 1600 شمعة في الظروف العاديّة و يوصل ل 4500 شمعة تحت شمسنا القويّة, يعني ترى الشاشة من غير حتّى صعوبة. يعني ملّخر شاشة توفّرلك سلاسة في اللعب والفرجة باش تكون “طايرة طيران“. وزيد محمية بـ Gorilla Glass 7i، يعني صحيحة وما تخافش عليها من التخبيش و زيد تدعم ال “Ultra HDR“. 🛡️
معلومات على الشاشة ما يقلّك عليهم حدّ🤫 : الشّاشة تجي ب340 هرتز “Touch Sampling Rate” و يوصل ل 1500 هرتز في الـ Game Mode, تعرف شمعناها،الشاشة تقرأ حركة صبعك وتستجيب للأوامر بسرعة خيالية، وهو ما يعطي تفوق واضح في ألعاب الـ FPS والـ Battle Royale (كيف Free Fire و PUBG)، و زيد الشاشة تجي بتكنولوجيا الـ PWM Dimming (حماية النظر) “2304 Hz” يخلي العين ترتاح وما تحسش بوجيعة في عينيك أو الصّداع حتى كي تستعمل التليفون في بيت ظلمة لساعات طويلة. هي شهادة ضمان أن الشاشة “ترتّح العينين” بامتياز. 🤓
✨الفازات السحريّة✨:
* الـ Active Matrix Display (المساحة التفاعلية): الفازة هذي محطوطة في الظهر بحذا الكاميراوات، تذكرنا بالـ Dynamic Island أما بلمسة Infinix الخاصة. تعطيك تفاصيل ذكية كيما حالة الشحن، تنبيهات المكالمات، و الإشعارات بطريقة أنيقة ومزيانة تخليك ما تستحقش تحل التليفون كل مرة. 😎
* الـ Rounded RGB Lighting: بجنب الزوز كاميرات الكبار، فمة Effect متاع إضاءة RGB داير بيهم. هذي موش مجرد زينة، الإضاءة هذي تتفاعل مع الإشعارات، المكالمات، وحتى وإنت تلعب وإلا تسمع في الموزيكا، تعطي منظر “Futuristic” مهبول خاصة في الليل. 🌈
* المستشعر الصحي المستقل: وكملت عليهم بالضربة القاضية,الزرّ (Bouton) اللي في الجنب المخصص لقياس دقات القلب ونسبة الأكسجين في الدم (SpO2). وجود مستشعر مستقل يعطيك دقة خير برشا، و يخلّي التليفون أداة صحية متكاملة بين يديك. 🩺
2. الأداء والـ Hardware (الضرب الصحيح) 💪
التليفون هذا جاي بمعالج Snapdragon 7s Gen 4 بمعماريّة 4 نانومتر, اللّي جاب سكور باهي برشة في Antutu يفوت الـ “1.000.000” مليون نقطة! 📈و جاء بسرعة تردّد “Clock Speed” يوصل حتّى ل 2.7 جيغاهرتز مع معالج رسوميّات”GPU” 🖼️ من نوع “Adreno 810” اللّي يتميّز بإستقرار جيّد جدّا في الألعاب مع تحسينات بنسبة 7 % بالمقارنة مع الجيل السّابق. 🔥
* الـ RAM: يجي بـ 12GB من نوع LPDDR5X وتوصل حتى لـ 24GB بالـ Virtual RAM. ⚡
* الـ Stockage: مساحة 256GB من نوع UFS 2.2 ، يعني الـ Apps يتحلوا فيسع .
وإذا إنت من جماعة PUBG أو Free Fire، فـ أبشر يا سيدي، التليفون باش يعطيك أعلى إعدادات (Extreme/Ultra) وسلاسة خيالية بفضل الشاشة الـ 144Hz. من لخر، الـ Note 60 Pro هو “الماكينة” اللي باش تخليك تهرب بالسكور في أي طرح تلعبو! 🏆⚔️
3. الكاميرا بصراحة: وين تنوّر ووين تخيب؟ 📸🤔
هنا لازمنا ناقفوا شوية. الـكاميرا الرئيسيّة 50 ميغابيكسل مع الـ OIS (المثبت البصري) يعطيوك تفاصيل “روعة” في ضوء النهار و حتّى كيف تبدا تحرّك في يدّك التصاور يقعدو واضحين، يعني تصور وتعمل Zoom قد ما تحب والـ Quality تقعد شادة روحها. كاميرا السيلفي تصاورها باهية برشا وواضحة في الإضاءة الجيّدة ويصلح بالباهي للـ Social Media. 🤳✨
على فكرة💡: الكاميرا الـ 50 MP موش مجرد رقم للتسويق، أحنا نحكيو على سنسور Sony IMX882 بفتحة عدسة واسعة f/1.6 يشرب الضوء شربان و يعطي معالجة ألوان HDR قويّة برشة وتفاصيل في الـ Skin Tones طبيعية مع معالجة الصّور بالذكاء الإصطناعي. الـ Combo هذا يخليك تصور فيديو وصور بالليل “باهية برشا” و تصاور النهار طيّارة 🚀 و فيها تفاصيل ما تلقاهاش في تليفونات أغلى منّو ! 🤳
في الفيديو 🎥 زادة يعطيك أداء “ممتاز” خاطرو يدعم التصوير بـ 4K @ 30fps مع Slow Motion يوصل يصور حتى لـ 120fps بدقة FHD، فازة تعمل بيها لقطات سينمائية مهبولة.
في ما يخصّ كاميرا السّلفي 🤳، جات ب 13 ميغابيكسل “13 MP” مع معالجة الصّور بالذكاء الإصطناعي، في قالب بعضو في إضاءة باهية يعطيك تصاور تعمل الكيف بصراحة و تصوير الفيديو يوصل لدقّة “4K@30fps” أو دقّة “Full HD” مع 60 إطار في الثّانية، قدرات الفيديو مريغلة و الجودة واضحة 🎥✅
😇 أما باش نكونوا صريحين:
* في الليل: الـ Focus يرزن شوية، ولازمك تخدِّم الـ Super Night Mode باش تنقّص الـ Noise (التّشويش) في التصويرة. 🌑
* العدسات الثانوية: الـ Ultrawide عاديّة و ضعيفة بصراحة، الفايدة الكل في العدسة الرئيسية الـ 50MP، هي اللي تعمِّل عليها في كل شيئ تقريبا 📷.
👇 مثال: جودة التصوير بالنسبة للكاميرا الخلفيّة الرئيسيّة في الإنفينيكس تنافس شويّا وحش سامسونغ الجديد رغم تفوّق سامسونغ السّاحق في العتاد 👇
4. “الصحّة” والبطارية و التّبريد: ماكينة ما تاقفش! 🔋🏗️
هنا فين الـ Infinix Note 60 Pro يهرب بالناس الكل! تحكي على بطارية 6500mAh، تنسّيك في حاجة اسمها “شارجور” ليومين كاملين وحتى أكثر لو كان استعمالك عادي . 🚀
البطارية الكبيرة هاذي يجي معاها شارجور “صاروخ” في الباكو بقوة 90W. يعني رغم كبرها، التليفون يشرجي من 0 لـ 100% في حوالي 41 دقيقة ! 🔋💨
* معلومة مهمّة : الNote 60 Pro يدعم الـ Bypass Charging، يعني تلعب وأنت تشرجي والـ Courant يتعدى طول للـ Carte Mère باش التليفون ما يسخنش والبطارية ما تتهرّاش. 🔌
👈 التليفون يدعم زادة الشحن اللاسلكي بقوة 50W (وهذي حاجة نادرة في الفئة هذه). يشرجيهولك لاسلكياً في حوالي ساعة و 10 دقائق تقريباً و يدعم الشحن العكسي “Reverse charging” بقوة 5 واط . 🗲
وبالنسبة للصّلابة و المقاومة و التّبريد:التليفون هذا “بدنو صحيح”. جاي بحماية Gorilla Glass 7i على الشاشة ومقاومة للغبار ورشان الماء بشهادة IP64. يعني التليفون مصمم باش يعيش معاك ويتحمل الاستعمال اليومي، وزيد فيه نظام تبريد سائل (VC Cooling) يخلّي القطايع في الدّاخل ديما “فرشك” وما تسخنش وقت اللعب المكثّف. ملّخر، تليفون “باهي و يستاهل تشريه” وبطريتو غولة! 😤💪
* تذكير: 👈 وزن التّاليفون: 201 ڨرام 🏋️
👈 البصمة “Optical” مدموجة في الشّاشة 👇📲
👈 نظام ال”XOS 16” محسّن بطريقة كبيرة: أنساو الـ Bugs والـ الإشهارات اللّي تفدّد متاع زمان، Infinix المرّة هاذي عطاتنا Interface سريعة، نظيفة، وذكية بالحق! 🧠
5. الاتصال والشبكات (Connectivity): تليفون Future-proof 🌐
تليفون Future-proof يعني مجهّز بكل شيء تستحقه لسنوات قدّام🛜 . التليفون يدعم أسرع ترددات الـ 5G مع نظام Antenna 360-degree اللي يضمنلك قوة إشارة مستقرة مهما كانت طريقة شدّتك للجهاز. والمفاجأة الكبيرة هي دعم Wi-Fi 6 اللّي يوفّر سرعة خرافية واستقرار في الـ Ping للـ Gamers، مع أحدث نسخة Bluetooth 5.4 لضمان أقل تأخير ممكن مع سمّاعات البلوتوث, و يجي بمكبّرات للصّوت “Stereo Speakers” بتقنية “Hi-Res & Hi-Res wireless audio” نقيّ و عالي بتصميم و رعاية “JBL” 🔉. وطبعاً ما ننْساوش الـ NFC وفازة الـ IR Blaster اللي تخليك تتحكم في التلفزة والمكيف مباشرة من تليفونك، وهي لمسة تكنولوجية يحبوها التوانسة برشا.
🧩نفرّكو الرّمّانة: “تاليفون Infinix يتوفى بعد عام؟” 🤔لا !! البارح موش كيما اليوم! ✨
باقي تسمع في الكلمة متاع “إبعد على Infinix راهو بعد عام يولّي رزين”؟ خلّينا نكونوا واقعيين: الكلام هذا كان ينجم يكون صحيح في الموديلات القديمة الرخيصة، أما مع الـ Note 60 Pro اللعبة تبدلت بالرسمي:
* الدعم الرسمي: إنفينيكس وعدت بـ 3 تحديثات أندرويد كبرى (3 Major Updates). يعني التليفون جـاي بأحدث نسخة Android 16 وباش يوصل معاك حتى لـ Android 19! هذي أول مرة Infinix تلتزم بدعم طويل هكا. 🛡️
* الـ Hardware ما يكذبش: كي تبدا عندك ذاكرة UFS 2.2 (اللي حكينا عليها) ومعالج Snapdragon صحيح، التليفون موش باش يرزن خاطر الـ “Data transfer” ديما يقعد سريع. الرزانة متع قبل كانت بسبب الـ Memoire الضعيفة و التّبريد الضّعيف، وتوه المشاكل هاذي تنحّات.
* السيستام “نظيف”: الـ Interface الجديدة ولات أخفّ ببرشا، ومع تحديثات الحماية والـ Software، التليفون باش يقعد يخدم كأنّو جديد لسنوات.
من لخّر 🕵️♂️: اللي باش يشري الـ Note 60 Pro، راهو شاري ماكينة تعيش معاه، موش تليفون متع عام وتلوح. الـ Quality والـ Support توا طلعوا للـ Level متاع الشركات الكبار. 🚀🔥
للإجابة على السؤال المطروح في أوّل المقال🤔 : “هل فمة شكون ينجم ينافسو في الفئة هذي؟“، نعم موجود⚔️ و هذا الشيئ إلّي باش نحكيو عليه في المقال الجاي !! ✅
| الميزة | التقييم | تعليق الخبير التقني |
| الشاشة (144Hz AMOLED) | ⭐⭐⭐⭐⭐ 5/5 | سلاسة عالميّة وألوان واضحة 🌈 |
| الأداء (Sd 7s Gen 4) | ⭐⭐⭐⭐✫ 4.5/5 | ممتاز في الألعاب (Score +1M) ♠️ |
| التّخزين و الرّام (LPPDR5X/UFS2.2) | ⭐⭐⭐⭐✫ 4.5/5 | سرعة و خفّة ممتازة 🚀 |
| الكاميرا (50MP(AI) + OIS) | ⭐⭐⭐⭐ 4/5 | الكاميرا الرئيسية عالميّة 📷 الكاميرا الـ Ultra-wide ضعيفة و زايدة👎 |
| البطّاريّة (6500mAh) | ⭐⭐⭐⭐⭐ 5/5 | الضربة القاضية، تنسيك في الشارجور 🔋 |
* لمشاهدة فيديو لمشاهد حيّة للهاتف و تشوفو و تتعرّف عليه أكثر تنجّم تتفرّج في الفيديو هذا و ما تنساش باش تعطينا رأيك!! 😊