🚨تنويه: باش نحكي كان على التاليفونات اللّي متوفّرة في السّوق الرّسميّة، المرّة الجاية نحكيلكم على التاليفونات اللّي متوفّرة في المستعمل 🖁
بين الغلاء و كثرة الموديلات، المواطن التونسي ولا يدوخ: “أناهو التّاليفون اللّي يشدني و ما يرزنش؟ هاو الترتيب حسب الخبرة التقنيةو البحث اللّي عملناه، من أقوى تليفون📲 وأنت هابط ⬇️:
1️⃣ الملك (The King): Redmi Note 15 5G 🏆
هذا التليفون اللي ننصح بيه أي حد ميزانيتو تقفل المليون.
هذا هو “الغول” متاع شاومي لسنة 2026، التليفون اللي ننصح بيه أي حد ميزانيتو تقفل المليون وحابب على تليفون باهي للألعاب، تصاورو ممتازة و يشدّ شارج و صحيح 💪
النقاط القوية ✅:
من أقوى الشّاشات في فئتها: AMOLED بـ 3200 nits سطوع, تفرج في اللي تحب حتى تحت شمس القايلة في قلب أوت، الصورة تبقى واضحة ☀️مع تقنية 3840Hz PWM اللي تريّح العين في الليل “تتفرّج سوايع عينيك ما تتعبش”.👁️🌑
كاميرا 108MP مع OIS: وجود المثبت البصري (OIS) حاجة هايلة 💪 مع الكاميرا الرئيسية 108 ميغابيكسل بفتحة عدسة واسعة f/1.7، التليفون يمتص كمية كبيرة من الضوء في الليل. ومع وجود الـ OIS، التصاور الليلية تطلع واضحة، منورة و من غير “رعشة”🌃, و تصاور النهار حلوّة برشا و واضحة و جودة الفيديوات ال “4K” تساعك بالڨدا إذا باش تعمل صناعة محتوى و كاميرا السلفي ال 20 ميغابيكسل باهية و تعطيك تصاور و فيديوات مقبولة🤳 .
🔋تكنولوجيا البطارية: سعة 5520 mAh بنظام Silicon-Carbon، يعني البطارية تعيش معاك سنين (1000 دورة شحن) قبل ما تبدا تضعف. 💪🏻
🎮 تجربة الألعاب: التليفون “طيارة” ✈️ في Free Fire و PUBG و COD Mobile. أداء سلس 60 FPS و أكثر, و الأهم إنّو التليفون ما يسخنش 🥶 حتى بعد ساعات لعب. 🔥
النقاط الضعيفة ❌:
الخامات (Build Quality): الظهر والإطار (Contour) الزوز بلاستيك. بالرغم اللي هو صحيح (Drop Resistant)، أما البلاستيك يتخبّش فيسع ويفقد اللمعة متاعو، لذا الـ “Cache” يولي ضرورة موش اختيار.
مشكلة الProximity Sensor: مستشعر التّقارب “Virtual” (سوفتوير)، ساعات الشاشة تشعل وأنت تتكلم وتضغط بوجهك على الأزرار. 📲
الـ System فيه برشة إشهارات لازم تعطيلهم و تطبيقات زايدة لازمك تفسّخهم و تتخلّص منهم🧹 🗑️
السّتوكاج رغم اللّي شويّ “128 جيغا” أمّا تنجّم تعزّز السّتوكاج ب “Carte mémoire” أمّا “الرّام 6 جيغا” شويّا في 2026 رغم اللّي فيها زيادة توصل حتّى ل “6 جيغا” رام إفتراضية أو أكثر أما هاذي تتسمّى نقاط ضعف.
السوم التقريبي 💰: 970 د.ت.
💡 نصيحة “BarchaTek” :
إذا أنت Gamer محترف ولا Content Creator وميزانيتك في حدود المليون، الـ Redmi Note 15 5G هو التليفون الوحيد اللي يعطيك مواصفات الـ ‘كبارات’ بسوم معقول. هو الاختيار رقم 1 للّي ميزانيّتو في حدود المليون. 💵
2️⃣ ملك الأناقة والتحديثات: Honor 400 Lite 5G 👁️🛡️
هذا التليفون هو “البوڨوس” متاع القائمة، خفيف “171 ڨرام” و جويّد برشة ، 🍂ومخدوم للناس اللي تحب تليفون يقعد معاهم سنين.
علاش ؟ خاطر هونور عطات فيه 6 سنين تحديثات أندرويد!! هذي نقطة تقتل المنافسين، معناها التليفون باش يوصل حتى للـ Android 21 وهو مرتاح. وزيد يدعم الـ eSIM، فازة باهية للّي يسافر برشة. ✈️
النقاط القوية ✅ :
👁️شاشة مضخمة و طيّارة: سطوع 3500 nits وتردد 3840Hz PWM. هذي أحسن شاشة ممكن تدور بيها في شمس تونس، وما توجعش العين جملة في الليل.
🔋البطارية (Durability): بالرغم اللي هي 5230 mAh، أما الـ Endurance متاعها طيارة وتدوم لـ 1400 دورة شحن. يعني البطارية باش تبقى “فرشك” لـ 4 سنين استعمال.
📱تصميم نحيف وخفيف: تليفون بوزن 171 غرام و خُشن 7.3 ملم يعتبر ريشة في اليد مقارنة بالـ Redmi.
النقاط الضعيفة ❌ :
الفيديو: محصور في الـ 1080p@30fps. يعني انسى الـ 4K وانسى الـ 60fps، هذي سقطة كبيرة للي يحب يعمل Content.
التخزين: ما يركبش فيه كارت ميموار (No Card Slot). لازمك ترضى بالـ 256GB اللي فيه، ما عندكش خيار تزيد.
الشحن: 35W فقط. باش يقعد قريب ساعة وربع باش يتشرجا، في وقت المنافسين وصلوا لأرقام أكبر.
المعالج (Dimensity 7025 Ultra): بتكنولوجيا 6 نانومتر. هو معالج محترم متحصل على 450،000 نقطة على منصّة “Antutu“، أما أضعف من الـ Snapdragon 6 Gen 3 (4nm) الموجود في الـ Redmi، خاصة في كفاءة الطاقة والـ Gaming الكاسح.
🎮 تجربة الألعاب: متاع Gaming خفيف🕹️, Free Fire يخدِّمها بالباهي من غير مشاكل, PUBG & COD Mobile يعطيك أداء بين 30 و 40 FPS. تليفون “يقضي الشور“، يعني تلعب ساعة ولا زوز وتخرج، أما موش متع gaming طويل وتكسير راس 🛑.
السوم التقريبي 💰: 960 د.ت.
💡 نصيحة “BarchaTek” :
الـ Honor 400 Lite هو تليفون “Class” 🕴️ ومتاع خدمة وتصفح وتصوير خفيف. إذا أنت تحب تليفون شاشتو أحلى، خفيف في اليد، مضخم ويقعد معاك 6 سنين بالـ Updates، هذا هو خيارك. أما إذا تحب الـ Performance والـ 4K، الـ Redmi يهرب بيه.
3️⃣ بطل الاستمرارية والخدمة الشاقة: Honor X7d 5G 🔋🛡️
هذا التليفون هو “المحراث” متاع القائمة. مخدوم خصيصاً للناس اللي تخدم نهار كامل لبرا، وتستعمل الـ GPS برشة، وتحب تليفون دبّابة متاع شارج و إستعمال مكثّف. 🔋💪
النقاط القوية (علاش هو غول؟) ✅ :
بطارية بتكنولوجيا الـ Nano-Stacking: البطارية هون بسعة 6500 mAh موش مجرد رقم. هي مستعملة تقنية “الخلايا المتراصة” (Nano-Stacking) اللي تخلي كثافة الطاقة عالية برشة في حجم معقول.
طول النفس: بفضل المعالج الاقتصادي وشاشة الـ HD+، التليفون يوصل معاك لـ 3 أيام استعمال متوسط مرتاح.
العمر الطويل: البطارية مخدومة باش تعيش معاك 3 سنين (فوق 1000 دورة شحن) وتبقى محافظة على 80% من صحتها. 😯
المعالج (Snapdragon 6s Gen 3): معالج مخدوم للـ Stability. ما يسخنش وما يستهلكش طاقة كبيرة, متحصل على 485،000 نقطة على منصّة “Antutu”
تليفون “صحيح” (Durability): واخد شهادة IP65 (مغلف ضد الغبرة ورشات الماء القوية). الـ Build Quality متاعو “Solid” ومصمم باش يتحمل الصدمات العادية (Shock Resistant).
صوت Stereo عالي: فيه زوز مكبرات صوت (Dual Stereo) تعطي صوت قوي ونقي. فازة تفرق برشة كي تبدا تلعب (تسمع الخطوات) ولا تبدا في وسط الزحمة وتحب تسمع الـ GPS بوضوح.
الشحن العكسي (Reverse Charging): التليفون يخدم حتى Powerbank؛ تنجم تشرجي بيه الكيت أو تليفون صاحبك بكابل Type-C.
🎮 تجربة الألعاب: (PUBG و Call Of Duty Mobile)، يعطيك أداء ثابت على Medium/High Settings، في الفري فاير تلعب لين تفدّ على أعلى إعدادات, والأهم إنو الفريمات ما تطيحش بعد ساعة لعب خاطر نظام التبريد فيه يوزع الحرارة بالباهي.
النقاط الضعيفة (فين الفخ؟) ❌ :
تضحية الشاشة: هذي أكبر نقطة ضعف. الشاشة TFT LCD وبوضوح 720p (HD+). الألوان موش زاهية كيما الـ AMOLED، وكي تركز في الشاشة تنجم تلاحظ الـ “Pixels” خاطر الوضوح طايح على حجم كبير.
الكاميرا في الليل: الـ 50MP تعطيك تفاصيل باهية في النهار، أما في الليل تتعب خاطر مافيشي OIS (مثبت بصري). لازم يدك تكون ثابتة “رخام” باش التصويرة ما تطلعش مضببة.
السيلفي: كاميرا أمامية 5 ميڨابكسل فقط. تعتبر ضعيفة برشة في 2026، تصلح للمكالمات فيديو أما موش متع “Selfie Star”.
غياب الكارت ميموار: بالرغم اللي هو تليفون خدمة، أما ما يركبش فيه كارت ميموار. لازمك تختار نسخة الـ 256GB مالأول باش ترتاح.
السوم التقريبي 💰: 4G: 700 DT||5G: 800DT
💡 خلاصة “BarchaTek” :
الـ Honor X7d 5G هو التليفون اللي تشريه بقلب مطمان إذا كنت “ما تستحفظش” وتلوج على أقوى بطارية في السوق وأداء مستقر في الألعاب وصوت عالي. أما إذا كنت “Cinéphile” وتحب تتفرج في فيديوهات بجودة خرافية وتصور في الليل، الـ Samsung A17 أو الـ Redmi Note 15 يهربوا بيه في النقطة هذي.
ملاحظة⛔️:تنجّم تشري زادة نسخة ال4G إذا كان الميزانية ما تسمحش ما فمّا حتى فرق بيناتهم 🟰🟰
4️⃣ المضمون والشاشة العالمية: Samsung Galaxy A17 5G 🇰🇷🛡️
هذا التليفون هو اختيار “العقل” للي يلوج على براند معروفة، شاشة طيارة وكاميرا باهية و ألوانها حيّة. هو تليفون مخدوم باش يعيش معاك سنين بفضل الدعم السوفتويري القوي.
النقاط القوية (علاش تشريه؟) ✅:
الشاشة (Super AMOLED): هذي أقوى نقطة قوة عند سامسونج. ألوان حية، أسود حقيقي، وزوايا رؤية ممتازة. بالرغم اللي هي 90Hz (أقل من المنافسين اللي وصلوا لـ 120Hz)، أما جودة الصورة والـ Contrast يهربوا بكل تليفونات الفئة هذي.
الحماية (Gorilla Glass Victus): سامسونج حطت أقوى طبقة حماية عندها في تليفون متوسط. الـ Victus معروفة بصلابتها ضد الكسر والخدش (Mohs level 5)، وهذي ميزة تعوض نقص الـ IP rating (عنده IP54 فقط، يعني رذاذ ماء بسيط).
الكاميرا بـ OIS: الـ 50MP هوني مجهزة بـ مثبت بصري (OIS). هذي “الكنز” للي يحب يصور فيديو ثابت وهو يمشي، ولا يحب يصور تصاور واضحة في الليل من غير ما تطلع “مضببة”.
الدعم السوفتويري: التليفون باش ياخد 6 تحديثات أندرويد !! هذي نقطة تقتل المنافسين، معناها تليفونك ديما فيه آخر الـ Features وآخر حماية أمنية حتى لعام 2031.
البطارية الموثوقة: 5000 mAh مع معالج Exynos 1330 بدقة 5 نانومتر تعطي أداء بطارية متوازن برشة وشدان شارج ممتاز في الاستعمال اليومي.
السخانة: الميزة الباهية إنو بتكنولوجيا 5 نانومتر، المعالج ما يسخنش برشة في الألعاب الخفيفة، أما كي تضغط عليه برشا يبدا الـ Frame Drop يظهر و يقلّقك.
النقاط الضعيفة (فين الغلطة؟) ❌:
سرعة الشحن: 25W فقط! في 2026 هذي تتسمى “رزانة”. باش تقعد تستنى قرابة ساعة و نص باش يتشرج، وزيد ما فماش شارجور في الباكو.
الحواف (Design): الـ Screen-to-body ratio طايح (86%)، يعني الحواف (الـ Chin والـ Notch) كبار شوية مقارنة بالمنافسين اللي شاشتهم كاملة.
الـ RAM: النسخة الأساسية تجي بـ 4Go RAM، نصيحة من BarchaTek ابعد عليها وخذ نسخة الـ 8Go أو على الأقل 6 جيغا رام باش الـ One UI 7 يخدم معاك بسلاسة.
المنفذ الهجين: يستعمل Shared SIM slot؛ يعني يا إما زوز سيم كارت، يا إما سيم وكارت ميموار.
الأداء: معالج الـ Exynos 1330 هو معالج “محترم” للاستعمال اليومي و الحاجات العاديّة “مثلا: مونتاج خفيف” متحصل على 435,787 نقطة على منصّة “Antutu“، أما في الألعاب الثقيلة (PUBG, Genshin Impact ,Call Of Duty Mobile)، الأداء متوسط و أقل من المتوسط.
🎮 تجربة الألعاب: هو تليفون متاع Free Fire ,Asphalt و Ludo و Subway بامتياز، أما للـ PUBG و Call Of Duty Mobile كاسحين عليه🏋🏻 و باش يقلقك باللاّڨ و يسخن 🔥، الـ Redmi Note 15 يهرب بيه هروب.
السوم التقريبي 💰: 799-999 د.ت.
💡 خلاصة “BarchaTek” :
الـ Samsung A17 5G هو تليفون “الراحة والدوام”. تشريه إذا همّك الأول هو جودة الشاشة، قوة الحماية، واستقرار السوفتوير. أما إذا كنت “Gamer” محترف وتلوج على سرعة شحن كبيرة، فما خيارات أخرى تعطي أداء أقوى في النقطة هذيكة.
5️⃣ “قاهر الفئة الاقتصادية” (The Deal): Redmi Note 14 4G 🏆
هذا التليفون اللي ننصح بيه أي حد ميزانيتو “تحت المليون” (بين 650 و 750 دينار) ويحب تليفون متوازن، منظرو مضخم، وما يغدركش في الشارج. 💪
النقاط القوية ✅:
شاشة “Premium” بسوم شعبي: شاشة AMOLED بـ 1800 nits سطوع، يعني في الصيف وتحت الشمس تنسى حاجة اسمها “ما نيش شايف الشاشة” ☀️. ومع تردد 120Hz وتقنية الـ 960Hz PWM، التجربة سلاسة تامة وتريّح العين في الاستعمال الطويل. 👁️📱
البطارية والتحمّل: سعة 5500 mAh مع معالج اقتصادي (6nm) تخلي التليفون يشدّك نهارين خدمة مستريح. 🔋 والحاجة الباهية إنو الـ Battery تعيش معاك برشة (1600 دورة شحن) قبل ما تبدا تضعف، يعني استثمار طويل الأمد. ⏳
الفخامة والصلابة: بالرغم من سعره، يجي بظهر بلّور (Gorilla Glass 5) وإطار ألمنيوم، حاجة ما نلقاوهاش حتى في تليفونات أغلى منو. 💎 ومعاه بصمة تحت الشاشة (Under display) سريعة وممتازة.
الدعم البرمجي: شاومي وعدت بـ 4 تحديثات أندرويد كبيرة، يعني التليفون يوصل معاك حتى لـ Android 18 وأمورك ديما “Update”. 🔄
النقاط الضعيفة ❌:
سرعة الشحن: يجي بشاحن 33W، صحيح موش بطيء (يشحن 55% في 44 دقيقة) أما كنا نتمناو يكون أسرع كيف بقية السلسلة. 🔌
الأداء في الألعاب الثقيلة: الـ Helio G99 Ultra معالج ممتاز في “الخفّة” والخدمة اليومية، أما في PUBG و Call Of Duty Mobile يعطيك أداء متوسط (Settings متوسطة) موش كيف الـ 5G. 🎮
التصوير الليلي والفيديو: الكاميرا الـ 108MP طيارة في النهار، أما في الليل تفتقد للـ OIS (المثبت البصري)، ولازم يدك تكون ثابتة باش التصويرة تطلع واضحة. 🌃 وما يدعمش تصوير الـ 4K.
تجربة الألعاب 🎮:
Free Fire يخدمها مريڨل على Max Settings (هذا هو التليفون المفضل لولاد الـ Free Fire اللي ميزانيتهم متوسطة) 🎯 امّا بالنّسبة لل Genshin Impact, COD Mobile يعطيك مردود متوسط و متواضع.
السوم الحالي 💰:
نسخة (6GB/128GB): بـ 649 د.ت
نسخة (8GB/256GB): بـ 749 د.ت
💡 نصيحة “BarchaTek” :
إذا إنت طالب، تخدم، أو تلوّج على تليفون للاستعمال اليومي (Facebook, TikTok, Calls) وتحب شاشة عالمية, شوي ألعاب خفيفة كيما فري فاير و Aspahlt و بطارية “ما تموتش”، الـ Redmi Note 14 4G هو أحسن حاجة تنجم تشريها تحت الـ 700 دينار في تونس حالياً. 💵👌
6️⃣ قاهر الميزانية (Budget Beast): Oscal Tiger 12 🐅
هذا التليفون هو اللي لازمك تخمم فيه و تعطيه قيمة في تونس حالياً، خاطر بسوم “هبال” يعطيك أداء يخلي الماركات الكبيرة تراجع حساباتها.
النقاط القوية (علاش لازمك تخمّم فيه؟) ✅:
الذاكرة (8GB + 8GB): الميزة هي الـ 16GB RAM (8 أساسية و 8 يزيدها السوفتوير) من نوع LPDDR4X. هذا يخلّي التليفون “خفيف” في حلان الـ Apps وما يرزنش في وسط الاستعمال اليومي ⚡.
المعالج الأسطوري (Helio G99): المعالج هذا محبوب الجماهير في تونس. جاب سكور تقريبا 420,000 نقطة في AnTuTu V10. بالرغم اللي هو 4G، أما في الـ Gaming يبرد القلب وما يسخنش فيسع ❄️.
وضوح الشاشة (FHD+ 120Hz): هوني يضرب الـ Honor X7d في مقتل؛ الـ Tiger 12 يعطيك وضوح 1080p كامل وسلاسة 120Hz، يعني الفرجة في الفيديوهات والتنقل في التيكتوك “عجاجة” 🌪️.
منفذ الكارت ميموار (Dedicated Slot): في تونس نحبوا مساحة تخزين كبيرة, التليفون هذا يخليك تحط زوز سيم كارت ومعاهم كارت ميموار (تصل لـ 1TB) في نفس الوقت، يعني الـ 128GB تنجم تزيدها قد ما تحب 📲.
النقاط الضعيفة (اللي لازم تعرفهم) ❌:
ماركة جديدة في تونس: النّاس موش مستانسة بيها و يمكن يخافو منها ماللّوّل 🆕 .
مافهيش 5G: في تونس الـ 5G بدا يدخل، التليفون هذا محصور في الـ 4G فقط 📡.
السطوع تحت الشمس: السطوع متاعو (500 nits) يخليه يتعب شوية قدام السامسونج والردمي إذا تخدم بيه لبرا في القايلة ☁️.
التحديثات: السوفتوير Doke OS 4.0 باهي وفيه فازات، أما التحديثات متاع أندرويد موش باش تكون طويلة كيما السامسونج (6 سنين) أو الهونور ⚠️.
تجربة الألعاب 🎮:
Free Fire: يخدمها مريڨل على Max Settings (هذا هو التليفون المفضل لولاد الـ FF اللي ميزانيتهم متوسطة) 🎯.
COD Mobile, PUBG Mobile: يعطيك 40 FPS (Ultra) مستقرة. الأداء متاعو يضاهي تليفونات أغلى منو بـ 200 دينار 🎖️.
السوم التقريبي 💰: 500 د.ت.
💡 نصيحة “BarchaTek” :
الـ Oscal Tiger 12 هو أحسن ‘تليفون زوالي’ في تونس لعام 2026. إذا ميزانيتك تحت الـ 700 دينار وتحب تليفون شاشتو FHD+ ويلعبلك الألعاب مريڨل، هذا هو الاختيار الصحيح. الماركات الأخرى بنفس السوم تعطيك شاشات HD+ ومعالجات أضعف بياسر.”
7️⃣ الاختيار الاقتصادي المضمون: Samsung Galaxy A07 🇰🇷📉
إذا ميزانيتك “على قدها” وتحب تليفون سامسونج جديد، الـ A07 جاء باش يحل المشكلة هذي بخلطة تجمع بين الأداء المحترم والسعر الشعبي.
النقاط القوية (علاش تشريه؟) ✅:
المعالج (Helio G99): هذي أقوى ميزة! سامسونج أخيراً نحّت المعالجات الضعيفة في الفئة هذي وحطت الـ G99 (6nm). سكور الـ AnTuTu V10 جاب ~394,421، وهذا يخليه طيارة في الاستعمال اليومي وحتى في اللعب 🎮.
دعم سوفتوير خيالي: التليفون باش ياخد 6 تحديثات أندرويد! يعني تليفون بـ 400-500 دينار باش يوصل للـ Android 21. هذي حاجة ما تلقاها عند حتى منافس في السوم هذا 🛡️.
تصوير الفيديو: يصور 1080p@60fps، وهي ميزة نادرة في الفئة الاقتصادية، تخلي الفيديوهات متاعك فيها سلاسة باهية 🎥.
بيت الكارط ميموار (Dedicated Slot): تنجم تحط زوز سيم كارت وكارت ميموار في نفس الوقت، يعني ماكش محصور بالـ Storage الداخلي 📲.
البطارية والشحن: 5000 mAh مع شحن 25W. بالنسبة لسامسونج في الفئة هذي، يتسمى سرعة معقولة برشة ⚡.
النقاط الضعيفة (فين التضحية؟) ❌:
الشاشة (PLS LCD): الشاشة عادية “بسيطة”، وضوحها 720p (HD+) وسطوعها 468 nits (تحت الشمس القوية باش تتعب شوية). الألوان موش زاهية كيما الـ AMOLED ☁️.
الذاكرة (RAM): النسخة الأساسية تجي بـ 4Go RAM؛ مع واجهة One UI 8 الثقيلة، تنجم تحس بشوية رزانة إذا تحل برشة Apps مع بعضهم. نصيحة BarchaTek: خوذ نسخة الـ 6Go أو 8Go كان لقيتها ⚠️.
البصمة: بصمة جانبية سريعة، أما الـ Virtual Proximity Sensing (حساس التقارب الوهمي) ساعات يغلط كي تحط التليفون على وذنك 👂.
🎮 تجربة الألعاب:
Free Fire: يخدمها مريڨل على High Settings بفضل قوة الـ G99 🎯.
PUBG Mobile: يعطيك 40fps (Balanced/Ultra settings) مستقرة. تجربة ممتازة لتليفون من فئة الـ A0x 🎖️.
السوم التقريبي 💰: 460-500 د.ت.
💡 نصيحة “BarchaTek” :
الـ Samsung A07 هو التليفون اللي تشريه لولدك يقرا بيه، أو ليك إذا ميزانيتك محدودة وتحب تليفون قيمة مقابل السعر ويعيش معاك سنين بالتحديثات.
📜الخلاصة :
⛔️ملاحظة: بالنسبة لمستعملي الهاتف الجوّال الرجاء مشاهدة الجدول عموديّا (إقلب التاليفون باش ترى الجدول الكل)↔️↔️
| الموديل 📱 | المعالج (القلب) 🧠 | Antutu Score 🚀 | الشاشة 📺 | البطارية واللعب 🎮 | الخلاصة متاع BarchaTek 💡 |
| Redmi Note 15 5G | Snapdragon 6 Gen 3 | ~620,000 | AMOLED (3200 nits) | 60 FPS (بارد ❄️) | الوحش: أقوى أداء وتصوير للي ميزانيتو تقفل المليون. 👑 |
| Honor X7d 5G | Snapdragon 6s Gen 3 | ~485,000 | TFT LCD (720p) | 40 FPS (6500 mAh 🔋) | المحراث: صاحبك في الشارع والخدمة، بطارية ما تموتش و إستقرار في الألعاب |
| Honor 400 Lite | Dimensity 7025 U | ~450,000 | AMOLED (3500 nits) | 30-40 FPS (سلس ✅) | الأنيق: خفيف، مزيان، وشاشة عالمية تحت الشمس. |
| Samsung A17 5G | Exynos 1330 | ~435,787 | Super AMOLED (FHD+) | 30-40 FPS (ألوان 🌈) | المضمون: أحسن شاشة وتصوير ثابت (OIS) ودعم 6 سنين. |
| Oscal Tiger 12 | Helio G99 | ~420,000 | IPS LCD (FHD+) | 40FPS, (Ram 8+8 🚀) | الجوكر: أقوى “ماكينة” بأرخص سوم (Value for Money). |
| Samsung A07 | Helio G99 | ~394,421 | PLS LCD (720p) | 40 FPS (متوازن ⚖️) | تليفون الزوالي: أداء محترم مع ضمان سامسونج و6 سنين Updates. |